05-03-2007
|
Выдащющиеся татарские поэты Назар Нажми и Модарис Аглам
|
 |
|
р. Агидел у дер. Старый Кангыш. Картина Б. Бабаева. 1999 г.
Наҗар Нәҗми
Кәңгеш борылмасы
Химик фәннәр докторы
Вил Мирзаяновны гомеренә афәтле химик
матдә эшләп чыгаруны
фаш иткән өчен дәүләткә
хыянәт иткүдә гаепләп
маташалар.
Төрмә аша яңгырады кинәт
Аның исеме һәм ул кылган эш.
Үзен күргәнем юк, әммә аның
Туып-үскән авылы, - Тау-Кәңгеш-
Күренеп тора хәттә тәрәзеннән
Минем туып-үскән йортымның.
Шуңа микән, бер горурлык тоеп,
«Дан сиңа!»-дип эчтән укындым.
Төрмә аша… Туры килүме бу?
(Әллә микән җан да саташа)
Безгә генәме ни соң ул гелән
Исме яулау тормыш төпкеленнән
Үлем аша яки төрмә аша.
Агыйделнең Кәңгеш борылмасы
Безнең якта данлы, гүзәл дә.
«Шунда туып ускән ир-егетнең
Бар булышы нидә?» - дигәндә,
Кәңгеш тавы кискен борган кебек
Агыйделнең алкын агышын,
Ишетте җир кискен борылмалы,
Милләт баласының тавышын.
Купты гауга: галим дәүләт серен
Ача, имеш, - итә хыянат.
Әй хакыйкать! Бетмәс микәнни ул
Хәтта синнән эзләү җинаять?!
Уйлап торам: чынлап тамы әллә
Хәтер микән татар кылган эш.
Батырлык бит туфрактан да килә
Горурлансаң да хак, Тау-Кәңгеш!
Mөдәррис ӘГЪЛӘМ
Белмәгәнмени без,
Беләбез бит
Хак тагалә нәрсә әйтәсен:
Асылың һәм нәселең беләндә
син
Батыршаны хәтерләтәсең.
Синең кебек Урал эргәсеннән,
Башкорт төбәгеннән калык та
Җиткермичә калып кара әле
Олуг хакыйкатьне халыкка!
Нәкъ Батырша кебек горур
адым,
Нәкъ Батырша кебек хөр
куңел,
Дәүләт сере, диләр...,
Безгә хәзер
Бернәрсә дә инде сер түгел.
Беләбез бит, яшәеше агу,
Үзе агу икәнлеген дә,
Сәясәте: узен башкаларга
Көчләп тагу икәнлеген дә.
Беләбез бит инде ничә кабат
Тарих бирде сабак, ниһаять:
Кайсы гына менеп утырса да,
Җинаятьче улы Җинаять!
Әнә шуңа да син холкың
белән
Батыршаны хәтерләтәсең...
Белмәгәнмени без,
Беләбез бит
Хак тәгалә нәрсә әйтәсен:
- А-зат-лык!
|
|
|